Nkunku – targeti i ri i Manchester United

Manchester United janë të interesuar për shërbimet e Christopher Nkunku.

“Djajtë e kuq” dëshirojnë që ta përforcojnë edhe më shumë mesfushën dhe futbollisti i Leipzigut duket që është një nga opsionet.

“Marca” raporton se transferimi i tij është i varur prej largimeve të mundshme nga “Teatri i Ëndrrave”.

“Ndonëse është disi një karakter i egër në këtë listë, Christopher Nkunku është një lojtar që po shijon momentin më të mirë të karrierës së tij në RB Leipzig.

Pasi ka krijuar një rol për veten e tij vetëm pas sulmuesve në skuadrën e Leipzig-ut, francezi ka shtuar gola në lojën e tij dhe është e pamundur të merret me të kur bën vrapime të larta nga thellësia. Sidoqoftë, ai ndoshta do të ishte vetëm një opsion nëse Pogba dhe Martial do të largoheshin në janar”, ka shkruar “Marca”.

24 vjeçari është një nga futbollistët më në formë – në elitën e futbollit gjerman.

Në këtë kampionat Nkunku është paraqitur 17-të herë, ndërsa është autor i shtatë golave dhe pesë asistimeve.

Sipas “Tranfermarket” vlera e tij në tregun e transferimeve është 55 milionë euro./Shqip.com