Aksident trafiku në Banjë të Malishevës, lëndohen dy persona

Dy persona janë lënduar si shkak i aksidentit trafik në fshatin Banjë të Malishevës.

Zëdhënësi i Policisë Rajonale për Gjakovë, Nysret Gjurkaj, ka deklaruar se aksidenti trafik ka ndodhur për shkak të mos përshtatjes së shpejtësisë së veturës me kushtet e rrugës.

“Deri tek aksidenti ka ardhur derisa i dyshimti po drejtonte automjetin e tij “Mercedes”, i cili ishte duke lëvizur përgjatë aksit rrugor Malishevë – Dule dhe kur arrin në fshatin Banjë nuk përshtat shpejtësinë e lëvizjes automjetit, ku rruga është me kthesë dhe humb kontrollin mbi automjetin e tij duke dalë nga shiriti i djathtë në të majtë dhe me pjesën ballore e godet automjetin “Alfa Romeo” që po lëvizte në drejtim të kundërt. Si pasojë e aksidentit në të dy automjetet shkaktohen dëme materiale dhe dy të lënduar”, tha ai për Shqip.com.

Më tej, Gjurkaj ka shtuar se të lënduarit janë dërguar për trajtim mjekësor në Emergjencën e Malishevës, ku njëri prej tyre, për shkak të frakturave, është transferuar në QKUK Prishtinë për trajtim të mëtejshëm.

Prokurori i Shtetit ka autorizuar hetuesit t’i zhvillojnë hetimet dhe rasti të dërgohet në procedurë të rregullt./Shqip.com