Szunyog: Çështja e personave të pagjetur mbetet një nga temat më të dhimbshme në Kosovë
Shqip
Shefi i Zyrës së Bashkimit Evropian në Kosovë, Tomas Szunyog, tha se çështja e personave të pagjetur në Kosovë vazhdon të jetë “një nga temat më të dhimbshme për njerëzit e Kosovës”, transmeton Shqip.com.
Këto deklarata ai i ka bërë pas vizitës në hapjen e ekspozitës “Më i mirë ish varri sesa mos me ditë”, për të cilën tha se i ka lënë mbresa të thella.
“Çështja e personave të pagjetur në Kosovë, vazhdon të mbetet një nga temat më të dhimbshme për njerëzit e Kosovës. Sot mora pjesë në hapjen e ekspozitës ‘Më i mirë ish varri sesa mos me ditë’, e cila më la mbresa të thella”, shkroi ai në Twitter.
The issue of the missing persons in Kosovo, continues to remain one of the most painful topics for 🇽🇰 people. Today I attended the opening of the exhibition “THE GRAVE IS BETTER THAN NOT KNOWING”, which left deep impression on me. pic.twitter.com/8NT4EN47Vp
— Ambassador Tomáš Szunyog (@EUAmbKS) November 18, 2021
Ndryshe, të enjten është hapur ekspozita “Më i mirë ish varri sesa mos me ditë”, në kujtim të personave që ende mbeten të zhdukur në luftën e fundit në Kosovë./SHQIP.com
