Portugalia e “poshtëron” Turqinë, kalon në raundin tjetër të Euro 2024
Publikuar:
(22.06.2024 19:57:56)
![](https://shqip.com/app/uploads/2024/06/3f.jpg)
Kombëtarja e Portugalisë ka shënuar fitore të madhe në ndeshjen e dytë të fazës së grupeve në Euro 2024.
Portugezët fituan 3:0 ndaj Turqisë në një ndeshje tejet të fortë të zhvilluar nga ekipi i Roberto Martinezit.
Qysh në pjesën e parë Portugalia tregoi fuqinë e saj, duke shënuar dy gola me anë të Bernardo Silvas dhe Akaydin (autogol).
Në pjesën e dytë, Portugalia shënoi edhe një gol tjetër me anë të Bruno Fernandesit, që mori një asist nga Ronaldo.
Me këtë fitore, Portugalia tani shkon në kuotën e gjashtë pikëve dhe siguron raundin eliminim/direkt në Euro 2024.
Kurse Turqisë i mbetët ndeshja e fundit për ta përcaktuar fatin e saj. Kujtojmë që Turqia ka tri pikë, kurse ndeshjen e fundit e zhvillojnë ndaj Çekisë.
/Shqip.com