Bashkëshorti i Vjosa Osmanit sulmon keq Vuçiç: Propagandist i kasapit të Ballkanit, analfabet!
Shqip
Prindon Sadriu, bashkëshorti i presidentes së Kosovës, Vjosa Osmani ka sulmuar ashpër presidentin serb, Aleksandër Vuçiç duke e cilësuar këtë të fundit si ‘analfabet’ dhe ‘propagandist’ të Millosheviçit.
Në një postim të bërë në rrjetin social “X”, Sadriu shkruan se historia mëson se ka rreziqe kur një person i pashkolluar dhe propagandues drejton një shtet.
“Një kryetar shteti analfabet, dikur një mjet propagande për kasapin e Ballkanit, është një kujtim i ashpër i rreziqeve të manipulimit dhe injorancës në udhëheqje. Historia na mëson rreziqet e aleancave të tilla”, shkruan ai.
An illiterate head of state, once a propaganda tool for the butcher of Balkans, is a stark reminder of the dangers of manipulation and ignorance in leadership. History teaches us the perils of such alliances. #RussiaPuppet #MillosevicsPropagandaMinister #GenocideDenier pic.twitter.com/Om9kM0ZA16
— Prindon Sadriu 🇽🇰 (@PrindonSadriu) March 3, 2024
Reagimi i Sadriut vjen pasi një ditë më parë Vuçiç tha se në periudhat e ardhshme, Serbia do të detyrohet që të marrë vendimet të ndryshme përmes të cilave do të gjendet zgjidhje për t’i dërguar pagesat për serbët në Kosovë.
/Shqip.com
