Skënder Durmishi – ambasador i ri i Kosovës në Shqipëri
Shqip
Skënder Durmishi ka marrë detyrën e ambasadorit të Kosovës në Shqipëri.
Ai është pritur në takim nga Elisa Spiropali, Ministre e Shtetit për Marrëdhëniet me Parlamentin në Shqipëri, e cila i ka uruar mirëseardhje.
Durmishi e Spiropali si dhe Koordinatori për zbatimin e marrëveshjeve mes Kosovës e Shqipërisë, Gentian Sala, kanë diskutuar mbi rëndësinë që ka forcimi i bashkëpunimit në fushat prioritare.
“Ky bashkëpunim ka patur dhe do ketë angazhimin e plotë të qeverisë dhe të Kuvendit për çdo iniciativë, marrëveshje, politikë apo projekt që i shërben ardhmërisë dhe njerëzve në të dyja anët e Kombit”, ka shkruar ministrja Spiropali.
Para Durmishit, ambasador i Kosovës në Shqipëri ishte Nait Hasani. Ai përfundoi misionin diplomatik në Tiranë në gusht të këtij viti./SHQIP.com
