Zbulohen çmimet e Galaxy S24 për tregun evropian

Rrjedhjet e informacionit rreth Galaxy S24 nuk po ndalen, ndërsa më i fundit hedh dritë mbi çmimet e modeleve të ardhshme flagship.

Smartfoni pritet të debutojë zyrtarisht muajin e ardhshëm, ndërsa ditën e sotme u zbulua çmimi evropian i tri modeleve Galaxy S24.

Lajmi i mirë është se nuk do të jeni të detyruar të paguani më tepër për pajisjet e reja andaj le të shohim çmimet e modelit bazë.

• Galaxy S24 128GB: 899 euro
• Galaxy S24 256GB: 959 euro

Çmimi është ai i prituri. Nëse dëshironi të kaloni në variantin Plus, Galaxy S24+ çmimet janë si vijojnë.

• Galaxy S24+ 256GB: 1149 euro
• Galaxy S24+ 512GB: 1269 euro

I fundit por jo më pak i rëndësishmi është Galaxy S24 Ultra ku vihet re një diferencë e madhe mes modeleve.

• Galaxy S24 Ultra 256GB: 1399 euro
• Galaxy S24 Ultra 512GB: 1569 euro

Çmimi i modelit 1TB mbetet një mister.

Gjithashtu duhet theksuar se këto janë çmimet evropiane të smartfonit.

Seritë Galaxy S24 do të prezantohen më 17 Janar. /PCWorld Albanian