GJKKO dënon me 3 vite burg ish-kryebashkiakun e Bulqizës, Lefter Alla

Ish-kryetari i bashkisë së Bulqizës, Lefter Alla është dënuar me 3 vite burg nga Gjykata kundër Korrupsionit dhe Krimit të Organizuar (GJKKO).

Për shkak të gjykimit të shkurtuar, Lefter Alla do të kryejë vetëm 2 vite burg.

Lefter Alla dhe 8 persona të tjerë u gjetën fajtorë për shpërdorim detyre, shkelje të barazisë në tendera dhe falsifikimit.

Alla përfundoi nën akuzat e ngritura nga SPAK për tenderin e kanalizimeve dhe ujësjellësit në lagjen e vjetër të Bulqizës, ku bashkë me zyrtarë të tjerë të Bashkisë dhe anëtarë të Komisionit të Vlerësimit të Ofertave, favorizuan në garë mikun e kryebashkiakut, Aqif Koneshën.