Vilson Culaj / Ajo e donte jetën
Shqip
AJO E DONTE JETËN
Një grua puthi një perandor në shpinë
Dhe iku në lumturinë e saj
I pavdekshëm mbeti ai
Qe rrinte në mendjen e asaj gruaje pa adresë
Lumi Tiber u djersit nga gjelozia
E shpirti i vashave u ngurtësua në pasqyrë
Një Orakull i pa se si e përqafonin hënën
Në udhëkryqin e moshës…
Për ti ndaluar Spirancat kur lëshoheshin në det
Perëndia e Marsit zgjoj të gjitha perënditë nga gjumi
Për të mbjellur gjak të dëshirën e tyre
Ajo theu gotën për ti ndaluar luftërat
Dhe në traun e anijet këndonte këngën e saj
Një grua puthi një burrë në shpinë
Dhe burrit të saj nuk ia tregoi lavdinë
Ajo ruante natën dhe shtigjet e tij
Për ta shenjtëruar
Të sajën dashuri…
Një grua u ngurtësua
Dhe puthi një burrë mbi shpinë
Për ta dashur me shumë jetën
Dhe poezinë…
/Shqip.com
