Fillon seanca ndaj Mustafës, dëshmitari i katërt jep dëshminë sot

Dëshmitari i katërt ka filluar të martën dëshminë në rastin e Salih Mustafës në Hagë, përcjell Shqip.com.

Pasi që dëshmitari i katërt u fut në sallë për të dëshmuar, seanca ka kaluar në private.

Po ashtu, edhe identiteti i këtij dëshmitari nuk do të bëhet i ditur dhe është i mbrojtur nga Gjykata Speciale.

Ndryshe, Mustafa akuzohet se gjatë prillit të vitit 1999 ka kryer krime lufte në një qendër ndalimi në Zllash, afër Prishtinës.

Aktakuza ndaj tij ishte ngritur më 28 shtator, vitin e kaluar dhe katër para ngritjes së asaj aktakuze ishte arrestuar me urdhër-arrest të Dhomave të Specializuara.

Gjatë seancës së fundit, Mustafës i është thënë se “viktimat e tij kanë qenë shqiptarë”.

Bashkë me Mustafën në Hagë po mbahen edhe figurat kryesore të Ushtrisë Çlirimtare të Kosovës, përfshirë ish-shefin politik të UÇK-së dhe ish-presidentin e Kosovës, Hashim Thaçi.

Gjykata Speciale ishte miratuar nga Kuvendi i Kosovës, më 3 gusht 2015. /Shqip.com