Ilire Zajmi / Si shmang sfidat

SI SHMANG SFIDAT

Ajo nuk është Kleopatra e as Nora e Kelmendit 
por sfidat si shmang kurrë, as ditët e vështira për tu kapërdirë
jeton për gjërat me të cilat askush tjetër nuk dëshiron të përballet
mos u habisni kështu ka qenë gjithmonë 
një grua luftëtare dhe e guximshme
më e guximshme se frika për tu futur në betejat që e nxjerrin fituese.

Një grua Amazonë vetëm kështu kalitet
ndryshimi vjen vetëm nga dhimbja e një udhëtim i vështirë.

Por mbi të gjitha, është pasioni i zjarrtë i një gruaje që nuk do të mohohet.

Mos prisni që ajo të heqë dorë, të ndalojë a të largohet nga gjërat që do. 

Mos u habisni kështu ka qenë gjithmonë
një grua luftëtare dhe e guximshme.