Lajçak për takimin me Listën Serbe: Theksuam nevojën që serbët të marrin pjesë në zgjedhje

I dërguari i posaçëm i Bashkimit Evropian për dialogun mes Kosovës e Serbisë, Miroslav Lajçak pas takimit me Listën Serbe, tha se ka theksuar nevojën e pjesëmarrjes së serbëve të Kosovës në zgjedhje.

Lajçak, përmes një postimi në Twitter, tha se nuk mund të arrihet asnjë zgjidhje politike për uljen e tensioneve në veri të Kosovës pa “popullatën e prekur”.

“Asnjë zgjidhje politike për uljen e tensioneve në veri të Kosovës nuk mund të arrihet pa popullatën e prekur. Me përfaqësuesit e Listës Serbe dhe shoqërisë civile, ne theksuam nevojën që serbët e Kosovës të marrin pjesë në zgjedhjet e reja”, ka shkruar ai në Tëitter.

No political solution to de-escalate the tensions in the north of Kosovo can be achieved without the affected population. With representatives of Srpska Lista and civil society, we highlighted the need for Kosovo Serbs to participate in new elections. pic.twitter.com/4rjX8mJufz

— Miroslav Lajčák (@MiroslavLajcak) June 6, 2023

Lajçak ka takuar edhe presidenten Vjosa Osmanin, ku i ka kërkuar asaj gjetjen e një zgjidhjeje të shpejtë politike për qetësimin e situatës në veri.