Pesë persona të plagosur dhe tetë të pagjetur nga shpërthimi në Marsejë

Pesë persona u plagosën dhe tetë janë të humbur pasi një shpërthim rrafshoi një ndërtesë apartamentesh në qytetin jugor francez të Marsejës.

Nuk dihet ende shkaku i shpërthimit. Ajo shkatërroi ndërtesën pak pas mesnatës të së dielës dhe një bllok banesash fqinje u shemb pjesërisht disa orë më vonë, raporton BBC.

Benoit Payan, kryetari i bashkisë së qytetit, tha se kishte të ngjarë që njerëzit të kishin vdekur.

Pothuajse 200 njerëz u evakuuan nga ndërtesat aty pranë.

Zjarri pengoi kërkimin për të zhdukurit, për të cilët prokurorët e qytetit thanë se përfshinin një “çift të rinj” dhe “njerëz të një moshe të caktuar”.

Nxehtësia dhe pluhuri i fortë i kanë penguar qentë e kërkimit të kalojnë nëpër rrënoja.

Zoti Payan tha se “duhet të përgatitemi për të pasur viktima”, dhe ministri i Brendshëm Gerald Darmanin, i cili udhëtoi për në qytet të dielën, u tha mediave se nuk e dinte nëse të zhdukurit ishin gjallë apo të vdekur.