Kurti takohet me dyshen Borrell-Lajçak, flitet për avancimin e planit franko-gjerman më 27 shkurt
![](https://shqip.com/app/uploads/2023/02/f333333.png)
Në kuadër të Konferencës së Mynihut, kryeministri i Kosovës, Albin Kurti zhvilloi takim me përfaqësuesin e Lartë të Bashkimit Evropian për Punë të Jashtme dhe Politikë të Sigurisë, Josep Borrell dhe Përfaqësuesin e posaçëm të Bashkimit Evropian për Dialogun Kosovë – Serbi, Miroslav Lajçak.
“U diskutua për procesin e dialogut dhe propozimin evropian, të iniciuar nga Franca dhe Gjermania dhe të mbështetur nga Shtetet e Bashkuara të Amerikës dhe Italia”, thuhet në njoftimin e kryeministrisë.
Tutje, bëhet e ditur se u fol edhe për takimin e radhës në Bruksel të thirrur për 27 shkurt nga Bashkimi Evropian.
Ndërsa, përfaqësuesi Borrell përmes rrjetit Twitter, ka shkruar se me 27 shkurt do të takohen për të avancuar propozimin e BE-së për normalizimin e raporteve me Serbinë.
“U takuam me kryeministrin Kurti për të diskutuar nevojën për të avancuar në Propozimin e BE-së për normalizimin e marrëdhënieve me Serbinë, i cili është kyç për rrugën e Kosovës në BE. Ne do të takohemi në Bruksel për Takimin e Dialogut të Nivelit të Lartë më 27 shkurt”, ka shkruajtur Borrell.
Met with @albinkurti at #MSC2023 to discuss the need to advance on EU Proposal on normalisation of relations with Serbia, which is key for Kosovo’s EU path.
We will meet in Brussels for the High Level Dialogue Meeting on 27 February. pic.twitter.com/9uk7PY1mQB
— Josep Borrell Fontelles (@JosepBorrellF) February 18, 2023
/Shqip.com