Shoqata e Kërkim – Shpëtimit nga Kosova shpëton trevjeçaren 10 ditë pas tërmetit

Shoqata e Kërkim-Shpëtimit nga Kosova ka arritur që ta shpëtojë një trevjeçare nga rrënojat 10 ditë pas tërmetit.

Lajmi u konfirmua nga shoqata përmes një njoftimi në Facebook, të cilët kanë publikuar edhe pamje nga momenti i shpëtimit të vajzës.

“Lajmi më i bukur që mundet me ardh sot në ditën e 10 pas termetit shpëtimi i vogëlushes 3 vjeçare nga pjestarët e Shoqatës”, thuhet në njoftimin e shoqëruar me videon e momentit të shpëtimit.

Si pasojë e tërmetit 7.8 shkallësh të 6 shkurtit, që tronditi Turqinë dhe Sirinë vdiqën mbi 35 mijë persona.