Përmbytje dhe shkatërrime historike nga uragani ‘Ian’ në Florida

Guvernatori i Floridës Ron DeSantis ka thënë se uragani Ian ka shkaktuar dëme të mëdha ndaj shtëpive si dhe ende është një kërcenim i madh.

Siç raporton BBC, guvernatori i Floridës ka thënë se shkatërrimi i Floridës qendrore arrinë një ngjarje përmbytje e cila nuk ka ndodhur në 500 vite.

“Ndikimi i stuhisë është historik. Ne nuk kemi parë kurrë një ngjarje përmbytjeje si kjo. Ne kurrë nuk kemi parë [një] rritje të stuhisë të kësaj madhësie. Kjo do të përfundojë duke u bërë dëme të mëdha shumë shtëpive të njerëzve”, tha DeSantis.

Në mëngjesin e ditës së enjte, guvernatori DeSantis ka biseduar me presidentin e Shteteve të Bashkuara të Amerikës që deklaratën e tij për t’i dalur në ndihmë Floridës ta zgjeroj edhe më shumë.

“Unë i thashë atij ‘faleminderit për këtë’ por për shkak se stuhia ka lëvizur në brendësi dhe ka shkaktuar shumë dëme potenciale në pjesën qendrore të shtetit tonë, ne do të kërkojmë që këto qarqe të zgjerohen”, tha DeSantis.

Deklarata i vë fondet federale në dispozicion për të ndihmuar të prekurit.

Kjo ndihmesë lejon mundësinë e përdorimit të granteve federale për të ndihmuar banorët e prekur dhe pronarët e bizneseve të sigurojnë strehim të përkohshëm, të riparojnë shtëpitë, të marrin kredi me kosto të ulët për humbjet e pasurive të pasiguruara dhe përgjithësisht të rimëkëmben nga efektet e fatkeqësisë.

Në këtë deklaratë mund të përfshihen edhe zona të tjera pasi zyrtarët vlerësojnë dëmin e stuhisë.

“Vlerësimet e dëmeve po vazhdojnë në fusha të tjera dhe zona të tjera që mund të caktohen për ndihmë pasi vlerësimet të kompletohen plotësisht,” thoshte deklarata.

Biden do të vizitojë selinë e Agjencisë Federale të Menaxhimit të Emergjencave në Uashington për një informacion mbi stuhinë.

Ndërsa, misionet e kërkim- shpëtimit kanë filluar që në orët e para të mëngjesit. Më shumë se 2.5 milion njerëz mbeten pa energji

Fondi shtetëror për fatkeqësi ka mbledhur 1.6 milionë dollar prej që kur u krijua.

Zyrtari më i lartë i administratës së emergjencës, Kevin Guthrie paralajmëron se ende është një kërcënim i madh në Florida nga uragani Ian.

Cristian Benavides, korrespodent i Miamit për CBS News, tha se ekziston frika se stuhia mund të shkaktojë përmbytje historike edhe në Orlando.

Ai thotë se madhësia dhe forca e uraganit ka krijuar dëme shkatërruese./Shqip.com