Dy foshnja të sapolindura në Pejë rezultuan me COVID-19
Shqip
Dy foshnja të sapolindura në Pejë kanë rezultuar pozitive me Coronavirus.
Lajmin e ka bërë të ditur zëdhënësi i Spitalit të Pejës, Naim Sahiti, i cili ka thënë se të dy foshnjat janë sjellë në jetë të enjten.
“Dy foshnja që kanë lindur gjatë ditës së djeshme kanë rezultuar pozitivë për COVID-19, bashkë me nënat janë liruar për në shtëpi në gjendje të mirë shëndetësore”, ka thënë Sahiti për Klan Kosovën.
Ndryshe, sipas raportit të Shërbimit Spitalit Klinik Universitar të Kosovës të datës 3 shtator, nga të gjitha spitalet e përgjithshme, ai i Pejës është më i ngarkuari me pacientë të infektuar, gjithsej 212.
