SHBA: Shqiptarja aksidentohet për vdekje pranë shtëpisë së saj
59-vjeçarja shqiptare Paulina Nrecaj, u plagos rëndë pasi u godit nga një makinë dhe u shty në një gardh metalik në Bronx të premten mbrëma, tha policia.
59-vjeçarja po ecte në rrugë vetëm pas orës 18:30 kur ajo u godit nga një SUV ngjyrë gri Lexus përpara rrugës Bronxdale 2040 në Pelham Parkway, thanë policët, raporton New York Post.
Nëna e tre fëmijëve mësohet se kishte dalë për të marrë pica, tha familja e saj.
Ajo u dërgua në Spitalin Jacobi, ku vdiq pasi iu nënshtrua një operacioni, tha vajza e saj, Diana Nrecaj, 32 vjeç.
“Ajo ishte një grua e mirë, e ëmbël. Ajo ishte një grua shumë e mirë e ëmbël. Ajo nuk e meritonte këtë. Ajo ishte katër hapa larg shtëpisë së saj.” tha ajo.
Nrecaj, kishte festuar së fundmi ditëlindjen e saj.
“Për mua ajo ishte një person i madh. Ajo rriti fëmijët e mi. Ajo ishte perfekte. Fëmijët ishin të lumtur në jetën e tyre. Ajo ishte e lumtur”, tha bashkëshorti i saj.
Sall Arobye, 32 vjeç, një shofer Uber që jeton matanë rrugës, e ndihmoi Nrecaj të dilte nga gardhi dhe e siguroi se do të ishte mirë.
Ai tha se gruaja e plagosur e ka falënderuar.
Fqinja Vanessa Gonzalez, 34 vjeç, tha se e njihte Nrecajn që nga lindja.
“Zemra ime është shumë e thyer,” tha Gonzalez, duke e quajtur atë “një person të bukur” dhe “shumë zemërmirë”.
Jashtë ndërtesës, miqtë dhe familja ndezën qirinj dhe hodhën lule në një memorial të improvizuar të shtunën./Shqip.com