Kampioni mposhtet në Rahovec
Kampioni e ka nisur – sezonin me humbje.
KB Ylli është mposhtur në udhëtim te Rahoveci – me rezultat të ngushtë 90-88.
Ani pse ndeshja ishte një “dramë” në parket – vendasit i arkëtuan pikët e plota.
Çereku i dytë e bëri diferencën në këtë derbi – pasi “vreshtarët” e mbyllën me tetë pikë epërsi(25-17).
Më meritori për këtë fitore ishte Jahin Carson – që shënoi 19-të pikë, asistoi shtatë herë e regjistroi gjashtë kërcime.
Paraqitje të mirë pati edhe Chris Seeley me 18 pikë e gjashtë kërcime.
Në anën tjetër, te Ylli Henrik Sirko ishte fenomenal dhe regjistroi 26 pikë, gjashtë kërcime dhe shtatë asistime – por që nuk mjaftuan për të shmangur humbjen e skuadrës së tij.
Me këtë fitore, Rahoveci tregoi që do të jetë një “arrë e fortë” për sezonin e ri, teksa Ylli do të ketë konkurecë të fortë – për të përsëritur suksesin e dy viteve të fundit./Shqip.com