Napoli e konfirmon largimin e Mertens, pas nëntë vitesh në klub

Napoli i ka thënë zyrtarisht lamtumirë sulmuesit belg, Dries Mertens.

Sulmuesi 35-vjeçar largohet nga klubi pas nëntë vitesh në Napoli, kohë gjatë së cilës ai u bë një hero lokal.

Mertens është golashënuesi më i mirë ndonjëherë i klubit me një total prej 148 golash gjatë kohës së tij në klub dhe ka bërë numrin e pestë më të lartë të paraqitjeve për Napolin me 397.

Grazie @dries_mertens14 💙 pic.twitter.com/lpWpntpLJX

— Official SSC Napoli (@sscnapoli) July 24, 2022

Sezoni më i mirë i belgut ishte nën drejtimin e Maurizio Sarri, kur ai shënoi 28 gola në 2016/17.

Presidenti i klubit Aurelio De Laurentiis kishte shpresuar të negocionte një zgjatje njëvjeçare me sulmuesin, por kërkesat për pagën e lojtarit u konsideruan shumë të larta.

“Ndjej dashurinë për klubin, por nuk duhet të harroj kurrë se futbolli është gjithashtu një industri si dhe pasion i pastër”, tha pronari për Radio Kiss Kiss Napoli.

“Fatkeqësisht, kjo do të thotë ndonjëherë të shkosh kundër asaj që duan tifozët. Kur një mbështetës më thotë, pse nuk e mban Mertens, mund të përgjigjem vetëm se Mertens na ofroi veten edhe për një vit, sepse ai e di që është 35 vjeç dhe më pas duhet të tërhiqet.

Me Lorenzo Insigne dhe Kalidou Koulibaly që tashmë janë larguar nga klubi, është fundi i një epoke për tifozët e Napolit./Shqip.com