Një autoportret i fshehur është zbuluar nën pikturën e Van Gogh

Rrezet X të kryera në një pikturë të Vincent van Gogh kanë zbuluar një autoportret të panjohur më parë të fshehur në anën e pasme. 

Zbulimi u bë kur ekspertët në Galerinë Kombëtare të Skocisë skanuan punën përpara një ekspozite të ardhshme.

Në anën e pasme të veprës së hershme  “Head of a Peasant Woman (1884)”, konservatorët vunë re profilin e një burri me mjekër që mbante një kapelë me buzë dhe një shami nën shtresat e ngjitësit dhe kartonit. 

Edhe pse i duket vetëm ana e majtë e fytyrës, ajo ruan një vështrim intensiv dhe të pashmangshëm.

Artisti holandez, puna e të cilit u bë e njohur pas vdekjes së tij të parakohshme në moshën 37-vjeçare në 1890, nuk korri kurrë shpërblimet monetare të pikturave të tij. Gjatë jetës së tij, van Gogh shpesh ripërdorte ose përdorte të dy anët e kanavacave të tij për të kursyer para. Kjo nuk është hera e parë që një vepër tjetër zbulohet në pjesën e pasme të pikturave të tij nga kjo periudhë kohore.

Piktura e përshkruan një grua vendase nga qyteti Nuenen në Holandë, ku artisti jetoi nga dhjetori i vitit 1883 deri në nëntor të vitit 1885. Autoportreti në anën e pasme, megjithatë, mendohet se është pikturuar pasi ai u transferua në Paris në 1886.

Përafërsisht 15 vjet pas vdekjes së tij, piktura u huazua në Muzeun Stedelijk në Amsterdam për një ekspozitë.