Nkunku pritet të rinovojë me Leipzig
Shqip
Ndonëse ka tërhequr vëmendjen e gjigantëve europianë, francezi pritet të qëndrojë.
Christopher Nkunku është transferimi që thuajse të gjithë e presin të ndodhë këtë afat kalimtar.
Mirëpo, kështu nuk duket se do të ndodhë pasi një kontratë e re i është ofruar atij nga Leipzig, raporton Leipziger Volkszeitung.
Marrëveshja që futbollisti do të ketë në tavolinë, thuhet të përmbajë klauzolën liruese prej afër 60 milionë eurosh.
Shuma mund të aktivizohet nga klubet që i janë vënë pas – si Liverpool dhe Chelsea – në afatet e ardhshme kalimtare.
Autori i 34 golave në të gjitha garat përgjatë edicionit të klauar ka aktualisht kontratë që e mban atë në “Red Bull Arena” deri në vitin 2024.
Prandaj, një rinovim i 24 vjeçarit duket më shumë si një garancë që klubi gjerman të përfitojë shumën e përmendur më lart, si një lloj garancie që s’do e humbasë atë për më lirë.
Përndryshe, Nkunku u shpall edhe lojtari i sezonit në Bundesliga duke mposhtur Robert Lewandowskin e Bayern Munich, si dhe fitoi trofeun e Kupës së Gjermanisë – DFB Pokal. /Shqip.com
