Një person therret me thikë pasi hyri t’i ndaj dy persona të tjerë nga konflikti në Kamenicë

Dy burra janë rrahur mes vete pas një konflikti verbal kurse, një person tjetër ka marrë lëndime trupore pasi që ishte munduar t’i ndaj.

Siç raporton Policia e Kosovës, ngjarja ka ndodhur në Malësi të Kamenicës.

Sipas PK-së, njëri prej të përfshirëve në konflikt ka goditur me thikë personin, i cili ishte munduar ta qetësoj situatën.

“Pas një konflikti verbal janë rrahur mes vete dy të dyshuar meshkuj kosovarë, ku si pasojë lëndime trupore ka pësuar viktima mashkull kosovar i cili gjatë ndërhyrjes për ndarje, është goditur me thikë nga njëri prej të dyshuarve”, thuhet në raportin e PK-së.

Tutje, PK-ja njofton se i dyshuari për sulmin me thikë është arrestuar dhe është dërguar në mbajtje./Shqip.com