Gjendet i vdekur një person brenda një marketi në Prishtinë, policia nis hetimet
Shqip
Kanë filluar hetimet pasi që një person është gjetur i vdekur në një market në Çagllavicë në Prishtinë.
Policia e Kosovës përmes raportit 24 orësh ka bërë të ditur se rasti ka ndodhur gjatë ditës së premte rreth orës 15:32.
“Është raportuar se viktima mashkull kosovar është gjetur i shtrirë në market. Në vendin e ngjarjes kanë dalë të gjitha njësitë përkatëse si dhe mjeku kujdestar i cili ka konstatuar vdekjen e viktimës”, thuhet në njoftim.
PK ka bërë të ditur se me vendim të prokurorit trupi i pajetë është dërguar për obduksion./Shqip.com
