Gashi: Presim që Kurti të raportoj në Kuvend për takimin me Vuçiq

Deputeti dhe shefi i grupit parlamentar të Lidhjes Demokratike të Kosovës, Arben Gashi thotë që pret që Kryeministri Kurti të vjen në Kuvendin e Kosovës për të raportuar lidhur me takimin me Presidentin e Serbisë, Vuçiq.

‘’Në bazë të standardeve  të cilat janë ndërtuar në vitet e fundit, pas çdo takimi kryeministri duhet të raportojë në Kuvend’’ thotë Gashi për Shqip.com

Gashi nuk ka dhënë ndonjë mendim lidhur me takimin e fundit pasi që sipas tij ai nuk ka shumë informacion.

‘’Nuk kam shumë informacion, nuk jemi në dijeni se çka ka ndodhur, duhet me raportu për me u informu për me  bo një vlerësim’’ thotë Gashi.

Sipas Gashit është tejkaluar çdo premtim publik që Vetëvendosje e ka mbajtur në 15 vitet e fundit./Shqip.com