Adnan Rrustemi kandidat i VV-së për kryetar të Lipjanit
Shqip
Deputeti i Lëvizjes Vetëvendosje, Adnan Rrustemi, do të jetë kandidat i kësaj partie për kryetar të Lipjanit.
Kjo është kumtuar nga dega e VV-së në Lipjan, të shtunën.
Në kumtesë thuhet se kandidatura e Rrustemit është vendosur pas votimit të mbajtur në strukturat e Qendrës.
“Jemi të nderuar që kandidat për Kryetar të Lipjanit nga radhët e Lëvizjes VETËVENDOSJE! të jetë deputeti Adnan Rrustemi më të cilin me 17 tetor do t’i japim Lipjanit një kryetar të përgatitur e të përkushtuar”, thuhet në njoftim.
Lipjani aktualisht drejtohet nga Imri Ahmeti i Lidhjes Demokratike të Kosovës.
Partia që drejtohet nga Albin Kurti në zgjedhjet nacionale të 14 shkurtit doli e para në Lipjan. /Shqip.com
