Mo Fara – ende i etur për fitore

Katër herë kampioni olimpik Mohamed Farah thotë se nuk do të “kishte kuptim” të vazhdonte garat – nëse nuk mund të garonte në nivelin më të lartë.

Britaniku 39-vjeçar do të garojë në Vitality London 10,000 të së hënës, gara e tij e parë që nga dështimi për t’u kualifikuar në Lojërat Olimpike të Tokios të vonuara të vitit të kaluar, njofton BBC.

Farah, i cili luftoi me një dëmtim në këmbë, nuk arriti në kohën kualifikuese të Britanisë së Madhe në 10,000 metra në qershor.

“Nëse nuk mund të përzihesh me më të mirët, atëherë ndoshta është koha të tërhiqesh”, tha ai.

Tkesa,për BBC Radio 5 Live tha se “unë gjithmonë i thashë vetes se nëse nuk do të jem në gjendje të konkurroj me djemtë në krye, atëherë nuk ka kuptim”.

“Nuk do të thotë se nuk e dua sportin – e dua dhe kjo është ajo që më mban të eci. Unë e shoh atë si diçka që më bën të lumtur dhe kënaqem dhe bëj më të mirën që mundem. Jam i emocionuar dhe mezi po e pres”.

Farah do të përballet me Phil Sesemann, fituesin e parë mashkull britanik në Maratonën e Londrës 2021, dhe Chris Thompson, i cili fitoi provën olimpike britanike vitin e kaluar, të hënën.

39 vjeçari u kthye në pistë në vitin 2020 pas tre vitesh fokusim në maratonë, por dështimi i tij për t’u kualifikuar në Tokio bëri që ai të mos mund të mbronte titullin e 10,000 metrave që fitoi në Rio 2016.