Rangnick emërohet trajner i Austrisë
Shqip
Ralf Rangnick është emëruar si trajner i ri i kombëtares së Austrisë në futboll.
Megjithatë, ai do ta kombinojë këtë rol me detyrat si konsulent në Manchester United sapo të përfundojë koha e tij si trajner i përkohshëm i “Djajve të Kuq”.
Lajmin e ka bërë të ditur Asociacioni i Futbollit të Austrisë përmes një postimi në Twitter.
Serwas Ralf #Rangnick! 😁👋🏻
Serwas beim ÖFB! 🦅🇦🇹#GemeinsamÖsterreich #NewBoss #DasNationalteam
__________
ℹ️ Alle Infos: https://t.co/rBvZhoD9a1 pic.twitter.com/RP5B2QP7Og— ÖFB – oefb.at (@oefb1904) April 29, 2022
“Të gjithë jemi të bindur se ai është njeriu ideal dhe se vizioni i tij do të avancojë kombëtaren dhe OFB-në”, u shpreh Gerhard Milletich, president i Federatës Austriake të Futbollit.
Edhe vetë trajneri kishte komentuar rreth lajmit, pas ndeshjes së Unitedit kundër Chelseas që përfundoi me rezultat 1:1.
“Është një nder për mua të marr rolin e menaxherit të [Austrisë]. Perspektiva për të garuar në Kampionatin Evropian në Gjermani me një ekip të ri të etur për sukses më mbush me një pritje të madhe.”, tha Rangnick.
Pas emërimit të Erik ten Hagut si kryeshefi i stolit në “Teatrin e Ëndrrave”, 63 vjeçari do të mbetet në klub vetëm deri në fund të këtij sezoni.
🇳🇱👔
The new First-Team Manager of Manchester United: Erik ten Hag.#MUFC || #WelcomeErik
— Manchester United (@ManUtd) April 21, 2022
Trajneri gjerman mori frenat në Old Trafford në nëntor 2021 pas shkarkimit të Ole Gunnar Solskjaer dhe një mandati të shkurtër në detyrë nga Michael Carrick. /Shqip.com
