Vojvoda me shokë – e ndalin Milanin
Shqip
Gara për titull në Serie A – ka marrë një kthesë të re.
Napoli humbi, Milani barazoi dhe këto janë lajme të mira për Interin.
Rosonerët kanë barazuar – pa gola në udhëtim te Torino, për të bërë një hap prapa në luftën për titull.
Ani pse konsideroheshin favoritë në letër, kuqezinjët nuk arritën të rrëmbenin pikët e plota ndaj Mergim Vojvodës me shokë.
Skuadra e udhëhequr nga Stefano Pioli e pati posedimin e topit dhe rastet, ama rrjeta mbeti pa u tundur.
Teksa, Vojvoda u paraqit për 85 minuta dhe pati një ndeshje mjaftë të mirë.
Ky ishte barazimi i tetë në këtë sezon – për rosonerët.
Pas 32 ndeshjeve të zhvilluara, Milani gjendet në pozitën e parë – me 68 pikë të grumbulluara.
Interi është një vend më poshtë, një pikë pas, por me një ndeshje më pak të zhvilluar.
Nëse, neurazurët triumfojnë në takimin e radhës, atëherë do e rrëmbejnë përsëri kreun e Series A./Shqip.com
