Tërhiqet shorti për Kupën e Botës, Xhaka e Shaqiri përsëri përballen me Serbinë

Shorti për fazën e grupeve të Kampionatit Botëror “Katari 2022” është hedhur në Doha.

Virgil Van Dijk përballet me shokun e skuadrës Sadio Mane.

Grupi A: Katar, Holanda, Senegali, Ekuadori.

Pas suksesit në kampionatin Evropian, Anglia do të kërkojë një tjetër kampanjë të suksesshme.

Grupi B: Anglia, Shtetet e Bashkuara të Amerikës, Irani, Wales/ Skocia/Ukraina.

Lionel Messi do të duhet të kalojë skuadra si Meksika, në atë që duket mundësia e fundit për të fituar kampionatin e Botës.

Grupi C: Argjentina, Meksika, Polonia dhe Arabia Saudite.

Kampioni aktual i Botës, Franca, ka një grup relativisht të lehtë, por do t’i duhet të përballet me Danimarkën e Eriksenit.

Grupi D: Franca, Danimarka, Tunizia, Peru/Australi/Emiratet e Bashkuara Arabe.

Padyshim grupi i vdekjes do të jetë grupi E, ku do të përballen dy gjigandët e botës.

Grupi E: Spanja, Gjermania, Japonia, Kosta Rika/Zelanda e Re.

Nën kampioni i botës përballet me Belgjikën në një ndeshje mjaft interesane.

Grupi F: Belgjika, Kroacia, Maroku, Kanadaja.

Në këtë grup është përsëritur përballja e famshme e kampionatit të kaluar, kur Serbia u përballë me Zvicrën, kur Granit Xhaka dhe Xherdan Shaqiri shënuan dhe festuan me shqiponjë.

Grupi G: Brazili, Zvicra, Serbia, Kameruni.

Cristiano Ronaldo do të përballet me Luis Suarez në Katar 2022.

Grupi H: Portugalia, Uruguai, Koreja e Jugut, Gana.

Kampionati Botëror do të nisë më 21 nëntor dhe finalja e madhe do të luhet më 18 dhjetor./Shqip.com