Forma e Liverpoolit – në zenit

Tjetër fitore, tjetër vulë e formës së lartë.

Liverpooli ka shënuar fitore 0-2 në udhëtim te Arsenali, për të qëndruar në hap në “luftën” për titull.

Për t’i kaluar në epërsi për mysafirët u kujdes Diogo Jotta, kur po zhvillohej minuta e 54-të.

Kurse – paraprakisht u asistua nga Thiago Alcantara.

Vendasit u orvatën me të gjitha forcat për të barazuar rezultatin, por nuk arritën diçka të tillë.

Teksa – në anën tjetër, Firmino shënoi për 0-2 kur po zhvillohej minuta e 62-të.

Deri në fund të takimit – rezultati mbeti i njëjtë dhe “The Reds” i arkëtuan pikët e plota.

Me këtë fitore, skuadra e udhëhequr nga Jurgen Klopp ngritet në kuotën e 69 pikëve. Vetëm një më pak se Manchester City që është lider.

Tashmë – nëntë gjiro pa mbaruar kampionati – gara për titull është bërë një dramë në vete.

Në anën tjetër, Arsenali mbetet në pozitën e katërt – me 51 pikë të grumbulluara.

Pozitë kjo që i siguron një biletë për në Ligën e Kampionëve – që mbetet synimi kryesor i “Gunners”. /Shqip.com