8 të vrarë në rajonin e Kievit pas një sulmi me dron në një ndërtesë banimi

Të paktën tetë persona u vranë në një sulm me dron rus në rajonin e Kievit, tha shërbimi shtetëror i emergjencave të Ukrainës në një deklaratë të mërkurën.

Deri në orën 18:00, 8 persona kanë humbur jetën, 7 persona janë lënduar dhe 1 person është shpëtuar. Katër persona ka të ngjarë të jenë nën rrënoja, thuhet në njoftim.

Gjatë ditës së sotme shërbimi i urgjencës shtetërore i tha CNN-it se një sulm me dron rus goditi një ndërtesë banimi në qytetin Rzhyshchiv, i cili është rreth 85 km në juglindje të kryeqytetit të Kievit.

Andrii Niebytov, shefi i policisë së rajonit të Kievit sot kishte thënë se një dron kishte goditur një ndërtesë konvikti, raporton CNN.

Policia dhe shërbimet e urgjencës evakuuan më shumë se 200 njerëz pas sulmit, shtoi Niebytov.