4 raste të posedimit të substancave narkotike

Gjatë 24 orëve të fundit janë raportuar 4 raste të posedimit të substancave narkotike.

Tre raste janë raportuar nga Komuna e Prishtinës. Në rrugën ‘’ Eqrem Qabej’’ është arrestuar një person pasi që gjatë kontrollit tek i njëjti është gjetur dhe konfiskuar 2.1 gram marihuanë.

Lidhur me këtë është konsultuar prokurori i shtetit dhe pas intervistës është dërguar në mbajtje.

Po ashtu në Prishtinë, është arrestuar një person pasi që gjatë kontrollit tek i njëjti është gjetur dhe  konfiskuar  1.2 gramë   marihuanë. Me vendim të prokurorit i dyshuari pas intervistës është liruar në procedurë të rregullt.

Në rrugën ‘’Taulantia”, raportohet se lidhur me rastin me datë 20.05.2022   njësitë e hetimeve  kanë arrestuar të dyshuarin  dhe   pas intervistës me vendim të prokurorit i dyshuari dërgohet në mbajtje.  

Rasti i fundit vjen nga Gjilani ku raportohet se një person është arrestuar pasi që gjatë kontrollit tek i njëjti është gjetur dhe konfiskuar 0.36 gramë   marihuanë. Me vendim të prokurorit i dyshuari pas intervistimit është liruar në procedurë të rregullt./Shqip.com