18 afganë gjendet të vdekur brenda një kamioni, aktakuzë për gjashtë persona

Prokurorët bullgarë kanë akuzuar gjashtë persona për trafikim njerëzor pasi 18 afganë u gjetën të vdekur brenda një kamioni të hedhur në një rrugë të dheut pranë kryeqytetit Sofje të premten.

Prokurorët thanë se kamioni u braktis pranë fshatit Lokorsko pasi shoferi dhe shoqëruesi i tij zbuluan se shumë nga 52 emigrantët në kamion ishin të trullosur dhe disa kishin vdekur tashmë.

Emigrantët ndodheshin në ndarjet e fshehura të kamionit të cilat ishin të izoluara me folie.

Shoferi i kamionit dhe shoqëruesi i tij u akuzuan gjithashtu për vdekjet, thanë prokurorët.

Pavarësisht goditjeve të forta dhe të zgjatura në kabinë, shoferi refuzoi të ndalonte kamionin më herët, u tha gazetarëve kreu i Shërbimit Hetimor Kombëtar dhe zëvendëskryeprokurori Borislav Sarafov.

Vdekjet kanë tronditur Bullgarinë, në atë që është një nga incidentet më të këqija të këtij lloji në rrugën tokësore nëpër Ballkan për në Evropë.

Mijëra njerëz që ikin nga lufta dhe varfëria në Lindjen e Mesme, Afrikë dhe Azi e bëjnë këtë udhëtim dhe Bullgaria është përpjekur të përballojë një fluks në rritje të emigrantëve nga Turqia fqinje vitin e kaluar.

Pesë nga të akuzuarit ndodhen në paraburgim, ndërsa një prej trafikantëve të dyshuar, i cili kishte arritur të largohej nga vendi, po kërkohet me urdhër arresti europian, raporton CNN.