Zyrtare: Eriksen i bashkohet United
Shqip
Manchester United ka kompletuar transferimin e mesfushorit danez, Christian Eriksen.
Ish-lojtari i Ajax, Tottenham, Inter Milan dhe Brentford ka nënshkruar një kontratë trevjeçare në Old Trafford.
“Unë kam ende ambicie të mëdha në lojë. Ka një sasi të madhe që e di se mund të arrij dhe ky është vendi i përsosur për të vazhduar udhëtimin tim. Manchester United është një klub i veçantë dhe mezi pres të filloj”, tha Eriksen.
Më herët në korrik, Eriksen ra dakord në parim për të nënshkruar për United pasi kontrata e tij afatshkurtër në Brentford përfundoi në qershor.
Ai është nënshkrimi i dytë i United nën menaxherin e ri Erik ten Hag pas mbrojtësit të krahut holandez Tyrell Malacia nga Feyenoord.
Eriksen kaloi gjysmën e dytë të sezonit të kaluar me një kontratë afatshkurtër në Brentford dhe hodhi poshtë mundësinë për t’u ribashkuar me Bletët në favor të lidhjes me skuadrën e Erik ten Hag.
Reprezentuesi danez pësoi një arrest kardiak kur luante për vendin e tij në Euro 2020 dhe si rezultat u detyrua të ndërpresë kontratën e tij me Interin.
Para kësaj ai kaloi shtatë vjet në Premier League me Tottenham Hotspur, për të cilin bëri 305 paraqitje, duke shënuar 69 gola./Shqip.com
