Zbulohen detaje të modelit të ri të telefonit të Google

Google Pixel 7a pritet të bëjë debutimin zyrtar së bashku me modelin tjetër Pixel Fold.

Përpara lansimit kanë rrjedhur informacione të shumta për smartfonin e ardhshëm.

Një prej ndryshimeve do të jetë edhe ngjyra, e cila deri më tani nuk ishte pjesë e lajmeve, pra ngjyra portokalli.

Google Pixel 7a shihet me kamera të dyfishta të pasme të ngjashme me modelet Pixel 7 dhe Pixel 7 Pro.

Butonat e energjisë dhe volumit shihen të rregulluar në anën e majtë.

Smartphone i serisë Pixel 7 pritet të zbulohet gjatë ngjarjes I/O 2023 të Google më 10 maj, së bashku me Pixel Fold.

Mund të dalë në shitje në tregjet globale në tremujorin e tretë dhe telefoni thuhet se ka një çmim midis 400-450 euro.

Pixel 7a supozohet se do të vijë me një ekran OLED 6.1 inç Full HD+ me një shpejtësi rifreskimi prej 90 Hz.

Thuhet se do të mundësohet nga çipi i brendshëm Tensor G2 i Google, i çiftuar me 8 GB RAM LPDDR5 dhe 128 GB memorie të brendshme UFS 3.1.

Njësia e kamerës së pasme të dyfishtë të Pixel 7a pritet të përbëhet nga një sensor primar 64 megapiksel, me mbështetje për stabilizimin optik të imazhit (OIS) dhe një sensor 12 megapiksel, me një lente ultra të gjerë.

Mund të ketë një kamerë selfie prej 10.8 megapikselë.

Pixel 7a pritet të ketë një bateri 4,400 mAh me mbështetje për karikim me tela 20 W.