Vuçiq: Ne s’mund ta ndalim anëtarësimin e Kosovës në NATO

Presidenti i Serbisë, Aleksandar Vuçiq, ka vlerësuar se Kosova nuk do ta ketë të lehtë të bëhet anëtare e NATO-s për, siç tha ai, rezistencën e fortë të Spanjës dhe Hungarisë.

Ai tha se në këtë çështje asgjë nuk varet nga Serbia sepse ajo nuk është anëtare e NATO-s.

“Ata mund të pranohen në NATO, por jo lehtë sepse ka vende anëtare që nuk e njohin Kosovën. Do të ketë rezistencë shumë të fortë nga Spanja, por edhe nga disa vende që e kanë njohur Kosovën, si vëllezërit dhe motrat tona nga Hungaria”, tha Vuçiq në përgjigje ndaj pyetjeve gazetarëve.

Ndërkohë, ka kritikuar Këshillin e Evropës për pranimin e Kosovës duke e quajtur atë veprim si “turp i veçantë”.

“Asgjë e tillë nuk ka ndodhur ndonjëherë në histori. Ata nisen nga parimi se ‘fuqia e Zotit nuk lutet’. Ata mendojnë se mund të bëjnë gjithçka, por ne do të presim momentin kur do të vendoset një marrëdhënie pak më ndryshe pushteti për sa i përket respektimit më të madh të së drejtës publike ndërkombëtare, që është rasti sot, qoftë brezi im apo i juaji, për këtë. më vonë”, tha ai.