Vrasja e Arben Lleshit, lihet në burg i gjithë zinxhiri drejtues i burgut të Peqinit

Gjykata Elbasanit, ka zhvilluar sot një seancë gjyqësore ndaj të dënuarit me burgim të përjetshëm, Sokol Mjacaj, i cili pak ditë më parë vrau një të burgosur në Burgun e Peqinit.

Bashkë me Mjacajn në gjyq dolën dhe 12 zyrtarë të burgut, përfshirë edhe drejtorin Kamber Hoxha.

Lidhur me këta të fundit mësohet se trupa gjykuese në Elbasan ka vendosur lënien në burg për 11 prej tyre, ndërsa masa “detyrim paraqitjeje” është dhënë për efektivin e burgut Vilson Shima.

Masa e zbutur për këtë të fundit lidhet me një nga djemtë e tij i cili është i paralizuar dhe duhet të kujdeset për të.