Vetëm “Camp Nou” për Depayn
Nuk ka plan të largohet nga Barcelona pavarësisht thashethemeve.
Është sezona e parë për Memphis Depay në La Liga dhe ai dëshiron të kapi majat me blaugranat.
Lajmin se qëllimi i tij është vetëm në “Camp Nou” e ka kondirmuar gazetari Fabrizio Romano.
“Siç ka thënë në publik, ai dëshiron të vazhdojë te Barca dhe dëshiron të provojë veten sezonin e ardhshëm. Misioni i tij aktual është të qëndrojë pasi dëshiron të luajë në Champions League”, i kishte thënë Romano kanalit “FIVE” në YouTube.
28 vjeçari erdhi në Barcelonë si transferi i lirë nga Olympique Lyon verën e kaluar.
Më herët, kishte bërë karriërë edhe te Manchester United, por pritshmëritë për të ishin më të mëdha se sa ai ofroi.
Përfaqësuesi i Holandës është i pazëvendësueshëm për “Oranje”, dhe mezi pret të luajë në Katar, në fund të këtij viti.
Depay ka bërë 23 paraqitje në elitën e futbollit spanjoll, duke shënuar 11 gola dhe dy asistime.
Madje, golat e tij i kanë dhuruar po aq pikë Barçës, duke e ndihmuar ekipin që të kap pozitën e dytë në tabelë.
Vlera e tij aktuale në treg është 45 milionë euro, sipas “transfermarkt”. /Shqip.com