Këngë patriotike në sfond dhe pankarta “pikante”, shqiptarët protestojnë në Londër

Mijëra shqiptare janë mbledhur në Londër duke protestuar për gjithë retorikën e përdorur kundër tyre.

Shkak u bë deklarata e sekretares se Brendshme, Suella Braverman , që tha se shqiptarët e “kanë pushtuar” Anglinë dhe se shumica e tyre merren me aktivitet kriminal dhe më pas nga mediat dhe deputetë të parlamentit.

Siç shihet edhe nga pamjet të dy anët e rrugës janë mbushur plot më shqiptare të cilët janë të veshur kuq e zi.

Me pankarta në duar ata kanë marshuar në urën “Westminster”. “Ne punojmë, paguajmë taksa, ne jemi shqiptarë”, “krenar që jam shqiptar”, “Kush jeni ju të na quani kriminelë”, janë disa prej pankartave që mbajnë në duar.

E pranishme është edhe policia, që nuk po i lejon ata të bllokojnë rrugën dhe po përpiqet t’i mbajë anës saj.