Vela: Versioni i statutit të Asociacionit, i ngjashëm me atë të Vojvodinës

Shefi i stafit të presidentes Vjosa Osmani, Blerim Vela, tha se versioni i statutit për themelimin e Asociacionit të Komunave me shumicë serbe, i cili u prezantua të martën në Bruksel është i ngjashëm me atë të Vojvodinës.

Vela, përmes një postimi në Twitter, tha se “qëllimi i Serbisë është rikonstituimi i autonomisë me qëllim që institucionet e Kosovës të mbeten të pavlefshme”.

“Synimi i tyre duket se është rikonstituimi i autoritetit autonom të Serbisë në Kosovë, njësoj si Vojvodina, me synim të anulimit të institucioneve të Kosovës”, ka shkruar Vela.

“Ky Asociacion nuk do të kalojë”, tha tutje Vela.

The ASMM Management Team submitted Serbia’s version of the statute, which is very similar to Vojvodina’s statute.

Their aim seems to be re-constitute Serbia’s autonomous authority in Kosovo, same like Vojvodina, with the aim to nullify the 🇽🇰 institutions.

This ASMM won’t fly! pic.twitter.com/CJINtc12b2

— Blerim Vela (@Blerim_Vela) May 3, 2023