Vdes Silvio Berlusconi, ish-kryeministër i Italisë

Ka vdekur ish-kryeministri i Italisë Silvio Berlusconi, në moshën 86-vjeçare.

Ai ndërroi jetë në spitalin San Raffaele në Milano, raportojnë mediat italiane.

Në prill ai u trajtua për një infeksion të mushkërive të lidhur me një rast të pazbuluar më parë të leuçemisë kronike.

Politikani, i cili konsiderohej prej kohësh si figura publike më e gjallë e Italisë, u zgjodh kryeministër tre herë dhe shërbeu për gjithsej nëntë vjet, më shumë se kushdo që nga diktatori fashist Benito Musolini.

I quajtur “Il Cavaliere”, karriera e tij u shënua nga një sërë skandalesh politike, financiare dhe personale, shumë prej të cilave e çuan atë në gjykatë, shkruan CNN.

Ai u gjykua me akuza që varionin nga evazioni fiskal dhe ryshfet, deri te korrupsioni dhe seksi me një prostitutë të mitur. Por vetëm një rast ngeci – një dënim i vitit 2012 për evazion fiskal në një marrëveshje që përfshin të drejtat televizive. 

Berlusconi u votua jashtë parlamentit në vitin 2013. Por asnjëherë nuk hoqi dorë nga lufta, ai u rishfaq në fillim të vitit 2018 si një lloj burrë shteti i moshuar, mbret i një aleance të krahut të djathtë që përfshin partinë e tij Forza Italia.

Ai u zgjodh deputet në maj të vitit 2019, në moshën 83-vjeçare dhe mbeti në detyrë si deputet i Parlamentit Evropian në kohën e vdekjes së tij.

Berlusconi udhëhoqi gjithashtu partinë e tij Forza Italia, të cilën e ringjalli në vitin 2013 pasi u largua nga partia Populli i Lirisë, në fitore me koalicionin e qendrës së djathtë me Giorgia Meloni dhe Matteo Salvini në shtator 2022, megjithëse ai nuk kishte një portofol qeveritar.