Vaksinimi kundër COVID-19: Ekipe mobile në shtatë qytete të Kosovës
Shqip
Këtë të enjte dhe të premte në shtatë qytete të Kosovës ekipet mobile të vaksinimit anti-COVID’19 do të jenë të vendosura në sheshe për të vaksinuar qytetarët e interesuar.
Vaksinimi antiCOVID me ekipe mobile do të bëhet në Prishtinë, Prizren, Pejë, Gjakovë, Mitrovicë, Ferizaj, Gjilan, ka bërë të ditur Ministria e Shëndetësisë.
“Edhe një mundësi më shumë: Ekipet mobile të vaksinimit do të jenë sot në shtatë sheshe të qyteteve të Kosovës për të ju ofruar qytetarëve vaksinimin kundër COVID-19”, thuhet në komunikatën për media të MSH-së.
“Ndërkohë, të gjitha qendrat e vaksinimit, gjithashtu, vazhdojnë të ofrojnë shpejt, lehtë dhe sigurt vaksinimin për çdo qytetar, sikurse deri më tani. Vaksinohuni për të mbrojtur veten, familjen dhe të tjerët!”.
Që nga fillimi i procesit të vaksinimit, deri tani në Kosovë janë administruar 1.549.215 doza. Deri tani 712.793 qytetarë janë vaksinuar me dozën e dytë./SHQIP.com
