Stuhi të fuqishme në Stamboll, katër të vdekur dhe 19 të lënduar

Katër persona kanë vdekur dhe 19 persona janë plagosur pas një stuhie të fuqishme të hënën në Stamboll, transmeton Shqip.com.

Gjatë kësaj stuhie kishte valë të mëdha të cilat u formuan në det, ku për pasojë pemët ranë në tokë dhe çatitë ishin hedhur në erë, raporton TRT Haber.

Sipas raportimeve të mediave turke, çatia e një ndërtese ka rënë mbi një grua dhe fëmijën e saj, të cilët po ecnin në rrugë, ku fëmija ndërroi jetë.

“Çatia e një ndërtese në Esenyurt ra mbi Elif Şanver dhe fëmijën e saj, të cilët po ecnin në rrugë. Anne Şanver vdiq në vendngjarje. Fëmija i saj u dërgua në spital. Ndërkohë, dëshmitarët okularë thanë se nëna e kuptoi që do t’i binte çatia dhe në momentin e fundit u fsheh mbi fëmijën e saj për ta mbrojtur”, raportojnë mediat.

Ndërkaq, guvernatori i Stambollit, bëri të ditur se në mesin e të vdekurve nga stuhia në qytet, një person ka qenë shtetas i huaj.

“Për shkak të kushteve të pafavorshme të motit të shkaktuar nga jugperëndimi i fuqishëm që ka nisur në Stamboll që nga orët e mëngjesit, fatkeqësisht kanë humbur jetën 4 persona, mes të cilëve 1 shtetas i huaj dhe 3 shtetas tanë, si dhe janë lënduar 19 shtetas, 3 prej tyre rëndë.

Sipas të dhënave të AFAD-it, të gjitha thirrjeve të bëra në Qendrën e Thirrjeve janë përgjigjur me shpejtësi nga ekipet e institucioneve tona përkatëse dhe puna vazhdon intensivisht”, ka thënë ai./SHQIP.com