Studimet thonë se presioni i gjakut duhet të matet në të dy krahët, ja pse

Matjet e presionit të gjakut duhet të merren nga të dy krahët në vend të njërit, thonë shkencëtarët.

Një studim i më shumë se 50,000 të rriturve analizoi ndryshimin midis matjes së presionit të gjakut nga dy krahë dhe matjen në vetëm njërin krahë.

Studiuesi kryesor Dr Christopher Clark, një mjek në Universitetin e Exeter në Devon, tha se presioni i lartë i gjakut është një çështje globale dhe menaxhimi i dobët mund të jetë fatal, raporton Dailymail.

“Dështimi për të matur të dy krahët jo vetëm që do të rezultojë në nën diagnozën dhe trajtimin e presionit të lartë të gjakut, por edhe nënvlerësimin e rreziqeve për miliona njerëz në mbarë botën”.

“Është e pamundur të parashikohet krahu më i mirë pasi disa njerëz kanë matje më të saktë në krahun e majtë në krahasim me të djathtën. Prandaj, është e rëndësishme të kontrolloni të dy krahët”, tha ai.

‘Zbulimi i saktë i presionit të lartë të gjakut është një hap jetik drejt dhënies së trajtimit të duhur njerëzve të duhur’.

Studimi, i botuar në revistën mjekësore “Hypertension” , analizoi të dhënat nga 53,172 pjesëmarrës.

Të gjithë vullnetarëve iu mor presioni i gjakut nga krahu i majtë dhe i djathtë.

Presioni i gjakut përshkruan forcën me të cilën gjaku juaj shtyn në anët e arterieve tuaja.

Sistolik (numri kryesor) pasqyron forcën e zemrës kur ajo pompon gjakun nëpër trup. Ndërkohë, diastolik mat presionin kur zemra pushon midis rrahjeve.

Nëse secila shifër është shumë e lartë, kjo mund të shkaktojë tendosje në arteriet dhe organet kryesore.

Megjithatë, mjekët kujdesen më shumë për numrin sistolik.

Dr Clark dhe kolegët zbuluan se kishte një ndryshim mesatar prej 6.6 mmHg në presionin sistolik midis krahëve.

Kur të dy matjet u morën parasysh, gati 6,500 pjesëmarrës u zhvendosën në kategorinë e hipertensionit.

Dallimet midis krahëve mund të shkaktohen nga arteriet e bllokuara. 

Megjithëse udhëzimet ndërkombëtare këshillojnë kontrollin e presionit të gjakut në të dy krahët, praktika aktualisht nuk është e përhapur gjerësisht në klinika.

Vetëm rreth gjysma e mjekëve marrin lexime nga të dy krahët, zakonisht për shkak të kufizimeve kohore në klinikat ose spitalet e ngarkuara, thonë ekspertët.