Statovci: U mbyll sesioni pranveror i Kuvendit, u miratuan 87 projektligje dhe 18 marrëveshje ndërkombëtare
Shqip
Deputetja e Lëvizjes Vetëvendosje nga Lista Guxo, Jeta Statovci ka thënë se sesioni pranverorë i vitit 2022 është sesioni me më së shumti projektligje të miratuara në historinë e Kuvendit.
Përmes një postimi në Facebook, ajo ka thënë se është mbyllur sesioni pranveror i Kuvendit të Kosovës, në të cilin janë miratuar 87 projektligje dhe 18 marrëveshje ndërkombëtare.
“Sot u mbyll sesioni pranveror i Kuvendit të Kosovës . Ajo që duhet theksuar është se ky sesion pranveror – pra i vitit 2022, është sesioni me më së shumti projektligje të miratuara në historinë e parlamentarizmit të Kuvendit – gjithsej janë miratuar 87 projektligje, prej tyre 18 marrëveshje ndërkombëtare”, shkroi Statovci.
Ajo tha se deri më tani në Kuvend janë proceduar 159 projektligje dhe 147 janë të propozuara nga Qeveria.
“Deri me tani, në Kuvendin e Republikës së Kosovës, janë proceduar 159 Projektligje, prej tyre nga Qeveria 147, ndërkaq 11 projektligje janë propozuar nga Kuvendi”.
Sot është mbajtur seanca e fundit e Kuvendit të Kosovës para se të shkohet në pushime verore./Shqip.com
