Stano: Takimi mund të përfundojë pasdite ose në mbrëmje

Zëdhënësi për Punë të Jashtme i Bashkimit Evropian, Peter Stano, ka folur para gazetarëve që prej disa orësh po presin në Ohër përfundimin e takimeve mes ndërmjetësuesve evropianë me Kryeministrin Albin Kurti dhe Presidentin serb, Aleksandër Vuciq.

Stano ka thënë se, siç është paraparë, konferencën me gazetarë pas takimeve do ta mbajë Kryediplomati evropian, Josep Borrell. Por, zëdhënësi thotë se nuk dihet se kur do të përfundojnë diskutimet.

“Në fund takimit, do të vijë këtu. Nuk e dimë kohën, nuk e dimë sa zgjasin takimet, por do t’ju informojmë”, u ka thënë Stano gazetarëve të shumtë që po qëndrojnë në Ohër.

Sipas Stanos, fundi i negociatave të sotme mund të jetë “dikur vonë pasdite, ose në mbrëmje”.