Shpenzimet për karburante, Duda Balje redukton daljet në publik thotë se është në gjendje të keqe
“Hajdute”, “Gënjeshtare”- këao janë termat të cilët i janë drejtuar deputetes, Duda Balje nga kalimtarë të rastit pas publikimit të shpenzimeve të udhëtimit për karburante.
Përfaqësuesja e komunitetit boshnjak, deklaron për Shqip.com se është në gjendje të keqe psikologjike dhe si pasojë ka reduktuar daljet në publik.
`Kur po dalë në rrugë njerëzit non-stop më thonë ke marrë prej shtetit, i ke marrë prej neve. Normal që nuk ndihem mirë. Jam në një gjendje shumë të keqe. Unë këto ditë nuk po dal edhe shumë në publik”, u shpreh Balje.
Deputetja, arsyetohet duke thënë se “nuk ka gënjyer asnjëherë”, dhe se shpenzimet janë të arsyeshme pasi udhëton çdo ditë nga Prizreni për në Prishtinë.
Në bazë të raportit të shpenzimeve për vitin 2021, për periudhën janar-dhjetor, deputeti i cili shpenzoi më së shumti para nga buxheti i shtetit është Pal Lekaj i AAK-së. Ai ka harxhuar plot 2 mijë e 790 euro për karburante.
Pas tij, e dyta renditet deputetja Duda Balje me 2 mijë e 730 euro. Ndërsa e treta është deputetja e LVV-së, Yllza Hoti me 2 mijë e 430 euro.
Në total të gjithë deputetët e legjislaturës së tetë kanë shpenzuar 100 mijë e 530 euro./Shqip.com
