Shenjat që tregojnë se nuk po merrni mjaftueshëm proteina

Ju duhet të merrni të paktën 10% të kalorive tuaja ditore nga proteinat. Proteinat duhet të merren nga burime të ndryshme gjatë gjithë ditës. Trupi juaj i shpërbën dhe i ripërdor proteinat në shumë mënyra.

Enjtja

Një nga shenjat më të zakonshme se nuk po merrni mjaftueshëm proteina është ënjtja (e quajtur edhe edema), veçanërisht në bark, këmbë dhe duar.

Një shpjegim i mundshëm: Proteinat që qarkullojnë në gjakun tuaj- albumina, në veçanti ndihmojnë që lëngu të mos grumbullohet në indet tuaja.

Ndryshimet e humorit

Truri juaj përdor kimikate të quajtura neurotransmetues për të transmetuar informacionin midis qelizave. Shumë prej këtyre neurotransmetuesve përbëhen nga aminoacide, të cilat janë blloqet ndërtuese të proteinave. Pra, mungesa e proteinave në dietën tuaj mund të nënkuptojë se trupi juaj nuk mund të prodhojë mjaftueshëm nga këta neurotransmetues, dhe kjo do të ndryshojë mënyrën se si funksionon truri juaj.

Problemet e flokëve, thonjve dhe lëkurës

Flokët, thonjtë dhe lëkura përbëhen nga proteina si elastina, kolagjeni dhe keratina. Kur trupi juaj nuk mund t’i prodhojë ato, mund të keni flokë të brishtë ose të holluar, lëkurë të thatë dhe të krisur dhe kreshta të thella në thonjtë tuaj.

Dobësi dhe lodhje

Hulumtimet tregojnë se vetëm një javë që nuk hani mjaftueshëm proteina mund të ndikojë në muskujt përgjegjës për qëndrimin dhe lëvizjen tuaj, veçanërisht nëse jeni 55 vjeç ose më i vjetër. Dhe me kalimin e kohës, mungesa e proteinave mund t’ju bëjë të humbni masën muskulore, e cila nga ana tjetër zvogëlon forcën tuaj, e bën më të vështirë ruajtjen e ekuilibrit dhe ngadalëson metabolizmin tuaj.

Uri

Kjo mund të duket qartë. Proteina ju ushqen. Është një nga tre burimet e kalorive, së bashku me karbohidratet dhe yndyrnat. Nëse dëshironi të hani shumë shpesh edhe pse keni vakte të rregullta, mund të keni nëvojë për më shumë proteina.

Plagë me shërim të ngadalshëm

Njerëzit që kanë pak proteina shpesh shohin se prerjet dhe gërvishtjet e tyre kërkojnë më shumë kohë për t’u shëruar. E njëjta gjë duket të jetë e vërtetë për ndrydhjet dhe lëndimet e tjera të lidhura me stërvitjen.

Sëmurëni më shpesh

Aminoacidet në gjakun tuaj ndihmojnë sistemin tuaj imunitar të prodhojë antitrupa që aktivizojnë qelizat e bardha të gjakut për të luftuar viruset, bakteret dhe toksinat.

Ju keni nevojë për proteina për të tretur dhe përthithur lëndë të tjera ushqyese që ju mbajnë të shëndetshëm.