Protesta e grave në Kabul shpërdahet me të shtëna në ajër nga talebanët

Rreth 40 gra marshuan përmes Kabulit, kryeqytetit afgan duke kërkuar të drejtate tyre.

Siç raporton BBC, që nga marrja e kontrollit të talebanëve, të drejtat e grave kanë qenë shumë të kufizuara.

Protestuesit brohoritën kërkesat e tyre për “bukë, punë dhe liri”, duke mbajtur një banderolë që lexonte “15 gushti është një ditë e zezë” – një referencë për ditën kur talibanët kapën Kabulin në vitin 2021.

Por, këto protesta nuk zgjatën shumë pasi talebanët me armë zjarri gjuajtën në ajër duke e shpërndarë turmën e grave.

Disa gazetarë që mbulonin marshimin njoftohet se u rrahën gjithashtu.

Luftëtarët kapën celularët e tyre, duke ndaluar një nga protestat e para të grave në muaj.

Në vitin që kur talibanët u kthyen në pushtet, ata kanë lëshuar urdhëra të ndryshme që kufizojnë lirinë e grave – duke i ndaluar ato nga shumica e punëve qeveritare, arsimit të mesëm dhe nga udhëtimi më shumë se 70 km pa një kujdestar mashkull.

Në maj, militantët dekretuan se gratë afgane do të duhet të veshin vellon e fytyrës islamike për herë të parë në dekada.

Nëse një grua refuzon të respektojë, rojtarët e saj meshkuj mund të dërgohen në burg për tre ditë – edhe pse kjo nuk zbatohet gjithmonë.

Ka patur protesta sporadike të vogla gjatë vitit të kaluar, por çdo formë mospajtimesh është shtypur.

Afganistani është i vetmi vend në botë që zyrtarisht kufizon arsimin sipas gjinisë – një pikë e madhe ngecëse në përpjekjet e talibanëve për të fituar legjitimitetin ndërkombëtar.

Vajzave u është ndaluar marrja e arsimit të mesëm, ministria për çështjet e grave është shpërbërë dhe në shumë raste gratë nuk janë lejuar të punojnë./Shqip.com